Kuntz: Dua të jem gjermani më turk, jam shumë i karikuar për këtë sfidë
Stefan Kuntz është zyrtarisht trajner i kombëtares turke të futbollit. Trajneri gjerman ka firmosur një kontratë tre vjeçare me Federatën Turke të futbollit dhe do të nisë eksperiencën e tij në fillim të muajit tetor, me eliminatoret e Kupës së botës ndaj Norvegjisë dhe Letonisë.
Në një intervistë për mediat vendase, 59-vjeçari nuk e fshehu kënaqësinë për detyrën e re që i është besuar, teksa duke kujtuar eksperiencën e tij si futbollist te Besiktasi, e quajti këtë eksperiencë si një rikthim në shtëpi.
“Është pak a shumë një rikthim në shtëpi, pasi unë kam luajtur në Turqi, me fanellën e Besiktasit. Dua të bëhem gjermani më turk. I njoh mirë futbollistët e kombëtares turke dhe jam shumë i karikuar për këtë eksperiencë të re, pasi jam i bindur që do të bëjmë shumë mirë”, deklaroi Kuntz.
Trajneri 59-vjeçar gjerman ka drejtuar Shpresat e Gjermanisë në vitet e fundit dhe ka bërë mjaft mirë, duke fituar dy herë radhazi Kampionatin Europian U21, më 2017-ën dhe 2021-shin, ndërsa në prezantimin si trajner i Turqisë, nuk ngurroi të falënderojë edhe drejtuesit e Federatës gjermane për bashkëpunimin.
Stefan Kuntz merr kështu vendin e Senol Gunes, i cili u shkarkua pas humbjes së thellë të Turqisë, 6-1 në Holandë dhe misioni i trajnerit gjerman është t’u sigurojë turqve një biletë për në Kupën e Botës Katar 2022.
Ndryshon kalendari për javën e tretë, ndeshjet luhen në tri ditë
Ndryshon kalendari për javën e tretë të Abissnet Superiores, që do të luhet në tre ditë, duke nisur nga e shtuna pasdite deri të hënën.
Kështu sfida e parë e javës është ajo mes Teutës dhe Dinamos, që është planifikuar të luhet të shtunën në orën 13:45, në stadiumin e Rrogozhinës.
Shkak për këtë zhvendosje është fakti që në “Niko Dovana” po punohet për të përmirësuar cilësinë e tapetit dhe Teuta e ka nisur sezonin duke luajtur në fusha të tjera ndeshjet si pritëse.
Po të shtunën në të njëjtën orë, do të luhet sfida Kastrioti-Tirana. Ky takim do të luhet në Kamëz, që është bërë edhe shtëpia e krutanëve që prej rikthimit në elitën e futbollit shqiptar.
E diela është rezervuar për sfidën më të rëndësishme të javës, atë mes Partizanit e Vllaznisë, e cila do të startojë në orën 19:45 në stadiumin “Elbasan Arena”, që është zgjedhur nga kryeqytetasit për pritjen e këtij takimi.
Dy sfidat e tjera të javës së tretë, Egnatia-Skënderbeu dhe Laçi-Kukësi, do të luhen të hënën në orën 13:45. Të gjithë takimet do të transmetohen live dhe ekskluzivisht në ekranin e Supersport, ku nuk do të mungojë as emisioni dedikuar Superiores “Gol pas Goli”.
Kalendari i javës së tretë:
E Shtunë, 13:45
Teuta – Dinamo (Rrogozhine)
Kastrioti – Tirana (Kamëz)
E Diel, 19:45
Partizani – Vllaznia (Elbasan Arena)
E Hënë, 13:45
Laçi – Kukësi
Egnatia – Skënderbeu
Thuhet se është në lidhje; Bora Zemani i sqaron të gjithë
Marrëdhënia e Bora Zemanit dhe Donald Veshajt ka qenë një nga më të përfolurat në mediat rozë. Lidhja e tyre, më pas ndarja, ribashkimi dhe pranimi i dashurisë publikisht dhe në fund shkëputja e marrëdhënies së dashurisë i ka vendosur ata gjithmonë në qendër të vëmendjes.
Për prezantuesen e emisionit “Për’puthen” qarkullojnë fjalë se është në lidhje me ish-konkurrentin e programit, Atdhe Xharavinën. Kjo ka ardhur si rrjedhojë e ‘fiksimit’ të Atdheut me Borën sa në një intervistë të fundit kur u pyet sesi dëshiron ta quajë vajzën, ai zgjodhi emrin Nala, të njëjtin emër që ka thënë dhe Bora. Ama Bora vendosi ‘pikat mbi i’.
Prezantuesja ka realizuar një pyetësor te faqja e saj e Brandit: Bzzz Company. E pyetur në lidhje me këtë çështje ajo tha se është 100% single.
Kujtojme se Bora deshiron ta mbaj larg jeten private: “Unë nuk kam dashur të flas për jetën time personale dhe kam folur shumë rrallë. Në disa momente më është dashur të jap përgjigje për të shuar kuriozitetin e njerëzve, që janë të interesuar për jetën e personazheve të njohur. Nëse unë do të zgjidhja do ishte ideale që unë të bëj punën time në televizion dhe kur të dal jashtë punës askush të mos më njoh. Kam folur disa herë dhe tani e kam vendosur që do e qep gojën përfundimisht, nuk do të them më asgjë për jetën time private”, tha Bora me bindje të plotë.
E ka ndare mendjen. Kur Arbana është në punë, ja kush kujdeset për Diellin dhe Jonin
“Big Brother” është një nga formatet më të suksesshme televizive në vendin tonë. Rikthimi i tij pas 4 vitesh dhe këtë herë në versionin VIP, pra me personazhe publike, bëri goxha bujë dhe duket se publiku po e pret me padurim. Ashtu si edhe në edicionet pararendëse, drejtimi i tij i është besuar gazetares së njohur Arbana Osmani, e cila ka thënë se programi do fillojë në tetor, por pa zbuluar datën.
Mirëpo duket se realityshoë i shumëpritur do të nisë shumë më shpejt nga ç’e mendonit, më 1 tetor. Mbrëmjen e djeshme Arbana u është përgjigjur disa prej pyetjeve lidhur me këtë produksion, ku sigurisht nuk mungoi edhe pyetja klasike se kush do të kujdeset për dy çunat.
“E para, kam fatin të kem një staf shumë të aftë që mund të punojnë lirisht, edhe pa mua 24 orë prezente. E dyta, kam një superskuadër me gjyshe, familjarë dhe dado që do të më ndihmojnë. E treta, pavarësisht impenjimit do të përpiqem të rri me ta në çdo moment të lirë.”-ka thënë ajo, duke shuar kështu kureshtjen e të gjithëve.
E fundit! Nesër rihapet Ambasada Gjermane, ja njoftimi i rëndësishëm për shqiptarët
Pas disa ditësh mbyllje, nga dita nesërme rihapet sërish ambasada gjermane në Tiranë.
“Personat, të cilët janë informuar për të tërhequr pasaportat e tyre do të paraqiten në oraret e caktuara. Aplikuesit të cilët preken nga mbyllja do të pajisen me takim të ri…”-njofton ambasada.
NJOFTIMI I PLOTË I AMBASADËS:
“Sektori Konsullor i Ambasadës Gjermane është i hapur përsëri që nga dita e martë 21.09.2021; Personat, të cilët janë informuar për të tërhequr pasaportat e tyre do të paraqiten në oraret e caktuara. Aplikuesit të cilët preken nga mbyllja do të pajisen me takim të ri.
Ju lutemi te mos dërgoni pyetje në lidhje me këtë çështje. Këtyre pyetjeve nuk do ju përgjigjemi”, thuhet në njoftimin e Ambasadës Gjermane. /albeu.com/
Ikona e televizionit në Shqipëri i rikthehet sërish ekranit pas kaq vitesh
Silvana Braçe u rikthye në ekran si të mos kishte ikur kurrë, por këtë herë jo në TVSH-në që ishte shtëpia e saj për shumë vite, por në ‘Top Channel’. Ervin Kurti ka realizuar një rubrikë të re dedikuar të gjithë shqiptarëve që jetën e kanë jashtë vendit momentalisht. Presantuese e rubrikës është pikërisht Silvana Braçe, ikona e televizionit të vetëm në Shqipëri në vitet ‘80 dhe ‘90.
Silvana ka drejtuar e prezantuar spektakle dhe shumë programe, e ka qenë një nga figurat më të dashura dhe familje për popullin. Të njëjtin qëndrim, tonalitet zëri dhe sharm, Silvana pati edhe sot kur doli në ekran në ‘E Diell’.
Ju kish marrë malli për të?/revistawho.com
Muçi në formë të shkëlqyer, shënon sërish për Legian, debuton Çelhaka!
Pas paraqitjes së shkëlqyer që bëri në Europa League në ato pak minuta që luajti ndaj Spartakut të Moskës ku dha një asist, Ernest Muçi vazhdon të shkëlqejë në Poloni dhe të tregojë se ai fillim i vështirë ishte thjesht mungesë ambientimi. Ish-talenti i Tiranës ka gjetur sërish golin për Legia Ëarszaë në Poloni. 20-vjeçari ka arritur të finalizojë me sukses një aksion të projektuar nga ai me një skemë shumë të bukur. Në fund talenti kaloi çdo kundërshtar dhe tundi rrjetën në afërsi të portës.Ky ishte goli i tretë sezonal për Muçin që udhëhoqi Legian drejt suksesit 3-1 ndaj Gornik Leczna ndeshje në të cilën Muçi dhe Kastrati luajtën titullarë ndërsa debutoi edhe Jurgen Çelhaka me Legian teksa u aktivizua në minutën e 73-të.
Kombëtarja shqiptare U-17 ka nisur këtë të diel grumbullimin në kuadër të dy ndeshjeve miqësore që ka në program për muajin shtator. Trajneri Ervin Bulku ka thirrur 22 lojtarë për miqësoret me Kosovën dhe Kombëtaren shqiptare U-18, ndërsa grumbullimi do të zgjasë 6 ditë.
Ekipi kuqezi është akomoduar në hotel Dyrrah në Durrës, teksa seancat stërvitore do të zhvillohen në kompleksin Tropikal, po në Durrës. Gjashtë nga lojtarët e thirrur për këto ndeshje aktivizohen me klube të huaja, kurse të tjerët janë pjesë e klubeve të kampionatit shqiptar. Që të gjithë lojtarët e thirrur janë vënë në dispozicion të stafit teknik dhe kanë nisur përgatitjet.
Testi i parë i 17-vjeçarëve do të jetë ai i 22 shtatorit ndaj bashkëmoshatarëve të Kosovës në Prishtinë. Ndërsa më datë 24 shtator Kombëtarja U-17 do të masë forcat me Kombëtaren U-18. Takimi mes dy përfaqësuesve të moshave kuqezi do të luhet më datën 24 shtator 2021 në kompleksin “Internacional” në Pezë Helmes duke nisur nga ora 11:00.
Dy miqësoret do të jenë një mundësi e mirë për trajnerin Bulku që të krijojë grupin përfundimtar që do të ketë në kuadër të ndeshjeve kualifikuese të Kampionatit Europian 2022, që luhen në muajt tetor-nëntor në Irlandën e Veriut. Kuqezinjtë janë shortuar në Grupin 12 së bashku me Italinë, Skocinë dhe Irlandën e Veriut.
Më poshtë edhe lista e plotë e lojtarëve të grumbulluar nga Kombëtarja U-17 për dy miqësoret e shtatorit:
Solskjaer nuk i kënaq dot të gjithë, 7 lojtarë drejt largimit nga Man. United
Manchester United ishte një nga skuadrat më aktive gjatë merkatos së verës, duke afruar në ekip tre titullarë si Jadon Sancho, Raphael Varane dhe mbi të gjitha Cristiano Ronaldo, të cilët kanë shtuar ndjeshëm cilësinë dhe eksperiencën në skuadër.
Trajnerit Solskjaer nuk i mbetet gjë tjetër tashmë, veçse të menaxhojë një grup të tejmbushur me lojtarë cilësorë dhe t’i udhëheqë drejt suksesit, megjithatë norvegjezi do ta ketë të vështirë t’i kënaqë të gjithë me aktivizimin.
Pikërisht për këtë arsye, drejtuesit e klubit po planifikojnë të shesin, apo largojnë në huazim të paktën 7 futbollistë në merkaton e janarit, shumë prej të cilëve emra që do t’i kishin zili një pjesë e madhe e klubeve europiane.
Kështu Donny Van de Beek, Anthony Martial, Jesse Lingard, Phil Johns, Eric Baily, Diogo Dalot dhe Alex Telles janë në listën e lojtarëve që nuk shihen me prioritet nga Solskjaer dhe drejtuesit e Man. United janë gati të vlerësojnë ofertat në drejtim të tyre.
Edhe gjatë verës këta futbollistë ishin në listën e lojtarëve që mund të largohen, por munguan ofertat konkrete për shitje, ndaj “djajtë e kuq” vendosën t’i mbajnë, por në janar mund t’i lënë të largohen qoftë edhe në huazim, për të mos prishur atmosferën në grup, me lojtarë të hatërmbetur për shkak të aktivizimit me pikatore.
Fitojnë Reali dhe Wolfsburgu!
Tjetër fitore në minutat e fundit për Realin e Madridit pas asaj ndaj Interit në Champions League. Los Blancos triumfuan 1-2 në transfertën e Mestallas ndaj Valencias falë golave të realizuar në 4 minutat e fundit të kohës së rregullt nga Vinicius dhe Benzema. Një sukses me përmbysje në një fushë të vështirë me Realin që bëri të pavlefshëm golin e Hugo Duros. Më këtë fitore e 4-ta në 5 takime skuadra e Ancelottit mori e vetme kryesimin e La Ligas me 13 pikë, 2 më shumë se kampionët në fuqi të Atletico Madrid.
Wolfsburgu ndalet për herë të parë, fitojnë Dortmund e Leverkusen!
Pas 4 fitoreve në 4 ndeshjet e para të Bundesligas, Wolfsburgu i Mark Van Bommel u ndal në javën e 5-të nga Eintracht i Frankfurtit. Në Volksvagen Arena ujqërit nuk shkuan më shumë se një barazim 1-1 përballë ekipit që tashmë drejtohet nga ish-trajneri i tyre Oliver Glasner, me Wolfsburgun që pas këtij raundi i duhet të ndajë edhe kreun e renditjes me kampionët në fuqi të Bayern Munich në kuotën e 13 pikëve. Miqtë nga Frankfurti të cilët regjistruan barazimin e 5-të rresht mes kampionatit dhe Europa Leagues, zhbllokuan shifrat në minutën e 38-të me holandezin Lammers. Ndërkohë një tjetër sulmues holandez Weghorst në minutën e 70-të realizoi golin e barazimit duke i dhënë një pikë Wolfsburgut dhe duke i evituar humbjen e parë sezonale.
Erling Haaland është një bishë e vërtetë për Borussian e Dortmundit në këtë sezon. Me dy gola të sulmuesit norvegjez, rrjetën fantastike të Raphael Guerrieros që zhbllokoi shifrat dhe autogolin e Marvin Friedriech, verdhezinjtë mposhtën 4-2 Union Berlinin në Signal Iduna Park duke marrë fitoren e 3-të rresht dhe të 4-ën në 5 takime. Haaland me këto dy gola shkoi në kuotën e 7 finalizimeve në këtë sezon të Bundesligas duke barazuar Leëandoëskin në krye të listës së golashënuesve. Union Berlini në krahun tjetër të dy golat i realizoi në pjesën e dytë duke rihapur për pak minuta sfidën me Krusen dhe Voglsammer. U rikthye te suksesi Bayer Leverkusen që triumfoi me shifrat 1-3 në transfertën e Mercedes Benz Arena ndaj Shtuttgart në një ndeshje ku shkëlqeu talenti 18-vjeçar Florian Wirtz me një gold he një asist ndërsa shënuan edhe Andrich e Patrik Schik.
Falcao shpjegon zgjedhjen e tij per numrin 3
Radamel Falcao rikthehet pas 8 sezonesh në La Liga, aty ku shkëlqeu me fanellën e Atleticos së Madridit në periudhën 2011-2013, por këtë herë për t’u bërë pjesë e një klubi nga periferia e Madridit, si Rayo Vallecano e sapo-ngjitur në elitën e futbollit spanjoll.
Sulmuesi 35-vjeçar kolumbian ka firmosur për dy sezone me klubin dhe do të provojë të japë kontributin e tij për të siguruar mbijetesën, megjithatë ajo që bën përshtypje është numri që ka zgjedhur të mbajë mbi fanellë.
Ndryshe nga numrat normalë të një sulmuesi, Falcao ka zgjedhur të luajë me bluzën me numrin 3, që zakonisht vishet nga mbrojtësit, teksa ka deklaruar se këtë numër e ka mbajtur babai i tij kur ka luajtur futboll, ndaj ka zgjedhur ta mbajë pikërisht për kënaqësi të tij.
Sulmuesi kolumbian qëndroi për dy vite në Stamboll te Galatasaray, por pa arritur të lë gjurmë.
35-vjeçari ka shkëputur kontratën me gjigantin turk, derisa sot është zyrtarizuar tek skuadra spanjolle Rayo Vallecano.
Falcao është zyrtarisht një futbollist i ri i Vallecanos, por klubi nuk ka zbuluar asgjë në lidhje me kontratën e tij.